अस्ट्रियायात बुकाः स्पेन फिफा विश्वकप फुटबल २०२६ या लिपागु १६ य् थ्यंगु दु। अमेरिकाया लस एन्जल स्टेडियमय् थौं जूगु कासाय् अस्ट्रियायात ३–० गोलं बुकाः विश्वकपया अन्तिम १६ य् थाय् दयेकूगु खः।

स्पेनं १६ दँलिपा विश्वकपया नकआउट चरणय् न्हापांगु कासा त्याकूगु खः। सन् २०१० या विश्वकप त्याकेधुंकाः स्पेनं विश्वकपया नकआउट चरणय् त्याके मफूगु खः। स्पेनं कासाया ३६ गूगु मिनेटय् मार्क कुकुरेलाया पासय् मिकेल ओयार्जाबालं गोल यानाः स्पेनयात न्हापां अग्रता बिल।

कासाया ६६ गूगु मिनेटय् अलेक्स बाएनाया क्रसय् पेड्रो पोरों हेडं गोल यानाः स्पेनया अग्रता निदुगं दयेकल। अनंलिपा कासाया ८९ गूगु मिनेटय् कुकुरेलाया हे मेगु च्वन्ह्याःगु पासय् ओयार्जाबालं व्यक्तिगत निगूगु गोल याःबलय् स्पेनं ३–० गोलं अःपुक त्याकल। 

Categorized in कासा