न्हापाया विजेता अर्जेन्टिनां केप भर्डेयात बुकाः फिफा विश्वकप–२०२६ या अन्तिम १६ य् दुहाँवंगु दु।

अमेरिकाया मियामी खेल मैदानय् क्वचाःगु राउन्डअफ ३२ या कासाय् अर्जेन्टिनां केप भर्डेयात ३–२ गोलं बुकाः विश्वकपया अन्तिम १६ य् दुहाँवंगु खः।कासाया २९ गूगु मिनेटय् कप्तान लियोनल मेसीं गोल यानाः अर्जेन्टिनायात न्हापांगु अग्रता बिल। अर्जेन्टिनां कासाया न्हापांगु हाफ तक १–० गोलया अग्रता दयेकातःगु खः।

तर कासाया ५९ गूगु मिनेटय् केप भर्डेया डेरोय डुआर्टें गोल यानाः कासायात १–१ गोलया बराबरीइ हल।कासाया क्वःछिनातःगु इलय् १–१ या बराबरी जुइ धुंकाः कासा अतिरिक्त इलय् वंगु खः। अतिरिक्त ईया निगूगु मिनेटय् अर्जेन्टिनां अग्रता काल। अर्जेन्टिनाया निंतिं लिसान्ड्रो मार्टिनेजं गोल यात।

अनंलिपा थपे याःगु अतिरिक्त ईया ११ गूगु मिनेटलिपा सिड्नी लोप्स क्याब्रलं च्वन्ह्याःगु गोल यानाः केप भर्डेयात निक्वः खुसी बराबरीइ हल। तर कासाया १११ गूगु मिनेटय् केप भर्डेया कासामि डाइनी बोर्जेसं आत्मघाती गोल याःगुलिं अर्जेन्टिना त्यात। 

Categorized in कासा