येँ महानगरपालिका–१८ या तपिंताँ उद्यानय् येँ महानगरपालिकाया पूर्वप्रमुख पिएल सिंहया झ्वाताः अनावरण याःगु दु।

म्हिगः छगु ज्या ज्याझ्वः दथुइ येँ महानगरपालिकाया कार्यवाहक प्रमुख सुनिता डङ्गोलं झ्वाताः अनावरण यानादीगु खः। मदुम्ह सिंहया झ्वाताः गुंगू लख ३८ द्वः तकाया लाय् खय् दयेकूगु खः।

उगु झ्वाताः मूर्तिकार श्याम तुलाधरं दयेकादीगु खः। उगु उद्यानय् १८ नं वडां मनमोहन अधिकारी, मदन भण्डारी, पुष्पलाल श्रेष्ठ, पद्मरत्न तुलाधर व शङ्खधर साख्वाया झ्वाताः नापं तयातःगु दु।

अथे हे, किलागलय् स्वर सम्राट नारायण गोपाल, तुन्छे गल्लीइ झी कवि चित्तधर हृदय व वडा ज्याकुथिइ पुलांम्ह वडाध्यक्ष चन्द्रानन्द नेवाःया झ्वाताः नापं पलिस्था याये धुकुगु दु।

Categorized in राष्ट्रिय