बागमती प्रदेश सरकारया मुख्यमन्त्री इन्द्रबहादुर बानियाँं थःगु पदपाखें राजीनामा बियादीगु दु।

बागमती प्रदेशसभाया थौंया बैठकय् न्हापां हे वय्कलं लिपांगु ई विकसित जूगु राजनीतिक समीकरण कथं न्हूगु सरकार नीस्वनेगु निंतिं लँपु चायेकाबीगु निंतिं राजीनामा बियागु धकाः जानकारी बियादिल।

मुख्यमन्त्री बानियाँं थौं हे प्रदेश प्रमुखया न्ह्यने थःगु राजीनामाया पौ नापं लःल्हायेगु जानकारी बियादिल।

उगु झ्वलय् वय्कलं प्रदेशया चालु खर्च म्हो यायेत मन्त्रालयया ल्याः च्यागूकय् क्वकानागु, विपन्न छेँजःया निंतिं आवास लिसें क्षतिग्रस्त भौतिक संरचना पुनःनिर्माण यानागु, यातायात ख्यःयात प्रविधिमैत्री दयेकागु लिसेंया थःगु कार्यकालय् जूगु जनहितया ज्याया विषयय् जानकारी बियादीगु खः।

Categorized in राष्ट्रिय