नेवाः देय् दबूया पुलांम्ह न्वकु विजयप्रकाश तण्डुकार ७२ दँया वैशय् आइतवाः आकाझाकां मन्त ।

आइतवाः सुथय् सासः ल्हाये थाकुथें जुइवं वय्कःयात अस्पतालय् यंकूगु खःसा वय्कः अस्पतालय् मदुगु खः । मदुम्ह तण्डुकारया आइतवाः हे अन्तिम संस्कार याये धुंकूगु दु ।

मदुम्ह तण्डुकार ताः इलंनिसें नेवाः भाषा ख्यलय् सक्रिय जुयाच्वनादीम्ह खः । वय्कःया तःधिकम्ह काय् नितिन तण्डुकारं दागबत्ती बिउगु खः । मदुम्ह तण्डुकारया जहान, निम्ह काय् व निम्ह म्ह्याय् दी ।

Categorized in राष्ट्रिय