२०८३ मङ्सिर ६, शनिबार

छत्रपाटी चिकित्सालय १९ वडाय् च्वपिन्त निःशुल्क उपचार जुइगु

लहनान्युज | कछलाथ्व एकादशी ११४७, मंसीर ४ शुक्रवाः

येँ महानगरपालिका वडा नं. १९ य् स्थायी बासिन्दा तयसं छत्रपाटी निःशुल्क चिकित्सालयपाखे छम्हेसिया ११ हजार १७० तका तक निःशुल्क उपचार सेवा काये दइगु जुगु दु।

निःशुल्क स्वास्थ्य सेवा उपलब्ध याकेगु आज्जु कथं वडा कार्यालय व चिकित्सालय दथुइ छगु सम्झौता जूगु दु। सम्झौतापत्रय् वडा अध्यक्ष राजेशकुमार श्रेष्ठ व चिकित्सालयया अध्यक्ष डा.मनोजमान श्रेष्ठं ल्हाःचिं तयादीगु खः।

सम्झौता कथं बिरामी जूम्हेसिया न्यान्हु तक बेड शुल्क, न्याकः तक चिकित्सक भिजिट, छक तक चिकित्सक जाँच नाप २ हजार ४२० रुपैयाँ तक प्रयोगशाला परीक्षण सेवा निःशुल्क कायेगु सुबिधा दइगु जुगु दु। थुगु सुविधा वडा नं. १९ या मतदाताय् नां स्थायी बासिन्दा तयुस थुगु सुबिधा काये फइगु जुगु दु।

उगु सुबिधाया निति वडा कार्यालयया सिफारिस व शहरी स्वास्थ्य प्रवद्र्धन केन्द्रया रेफर पुर्जा अनिवार्य माःगु ब्यवस्था याःगु दु।कार्यक्रम सञ्चालनया निति वडा कार्यालयं वार्षिक अधिकतम १० लाख रुपैयाँ याइगु जगु दु। सम्झौता वइगु २०८४ असार मसान्त तक थुगु सम्झौता लागु जुइगु दु।

Categorized in राष्ट्रिय