सुनील थापाया दकलय् लिपागु संकिपा ‘हिमालयन गोल्ड’ थौनिसे प्रदर्शन
शोभा श्रेष्ठ | कछलाथ्व एकादशी ११४७, मंसीर ४ शुक्रवाः
मदुम्ह अभिनेता सुनील थापाया दकलय् लिपागु अभिनय याःगु चलचित्र ‘हिमालयन गोल्ड’ थौ शुक्रवाःनिसे नेपाः व भारतय् प्रदर्शन जूगु दु।
धीराज राजवंशी न डेब्यू निर्देशन याःगु चलचित्र ‘हिमालयन गोल्ड’ थ्रिलर नाप ड्रामा विधाय् दयकूगु खः।सन् १९९० या जःखः आधारय् चलचित्र यार्सागुम्बा संकलननिसे अन जुइगु लुटपाट व सुरक्षाया बिषययात कया दयकातःगु खः।
समुद्री सतह स्वया करिब ४ हजार ८०० मिटरया उचाइलय् छायांकन यानातःगु उगु चलचित्रय् रुकुम, डोल्पा, रोल्पा व मनाङया समुदाय तयेगु यार्सागुम्बा नाप स्वागु जीवनशैली व आर्थिक निर्भरताया बाखनय् दुथ्याकातःगु खः
सुनील थापानापं कर्मा शाक्य, परीक्षा लिम्बु, मेनुका प्रधान, राहुल एन. मुखिया, अङ्कित खड्का, सुनील तामाङ, तेन्जिङ ठकुरी, सविता अधिकारी व ऋषिकेश बस्यालपिनिगु अभिनय यागु दु।
Categorized in मनोरन्जन