२०८३ मङ्सिर ८, सोमबार

लखुतीर्थय् शंखधर दिवस हंन

लहनान्युज | कछलाथ्व त्रयोदशी ११४७, मंसीर ६ आईतवाः

नेपाल संवतया प्रवर्तक शंखधर साख्वाःयात राष्ट्रिय विभूति घोषणा याःगु दिं कछलाथ्व दशमिकुन्हु लखुतीर्थय् नेपाल सवत् न्हूदँ राष्ट्रिय समारोह समिति–११४७ पाखें शंखधर दिवस हंगु खः ।

न्हूदँ समारोह समिति सल्लाहकार समितिया कजि प्रेमहिरा तुलाधरया सभाध्यक्षताय् जूगु उगु ज्याझ्वलय् मूपाहां कथं येँ महानगरपालिकाया कार्यवाहक प्रमुख सुनिता डंगोल, पाहांकथं न्हूदँ समारोह समितिया सल्लाहकार समितिया दुजःलिसें पुलांम्ह मन्त्री, नेवाः न्ह्यलुवा राजेन्द्र श्रेष्ठ, बागमति प्रदेशसभाया दुजः समिता खड्गी, येँ महानगरपालिका १५ वडा अध्यक्ष ईश्वरमान डंगोल पाहांकथं झायादीगु खः ।

Categorized in राष्ट्रिय