इन्फान्टिनो हाकनं फिफाया नायः जुल
लहनान्युज | ने.सं. ११३९ तछलाथ्व दुतिया (५ जुन, २०१९)
विश्व फुटबल महासंघ (फिफा)या वइगु प्यदँया कार्यकालया नितिं नायः पदय् हाकनं जियानी इन्फान्टिनायात ल्यःगु दु ।
फ्रान्सया पेरिसय् जूगु फिफाया दँमुँज्यां इन्फान्टिनोयात निगूगु कार्यकालया नितिं सर्वसम्मतं ल्यःगु खः । ४९दँ दुम्ह इन्फान्टिनो आः सन् २०२३ तक फिफाया नायः जुयादी ।
सन् २०१५य् भ्रष्टाचारया द्वपनय् तत्कालिन नायः सेप ब्लाटर निलम्बनय् लायेधुंकाः फिफाया नायः पदय् इन्फान्टिनोयात ल्यःगु खः । वय्कः फिफाया नायः जुयादीवं हे छुं छुं महत्वाकांक्षी योजना न्ह्यब्वयादीगु खः ।
न्ह्यब्वःगु महत्वाकांक्षी योजना मध्ये छगू सन् २०२६ निसें विश्वकपय् ३२गू देशं अप्वयेकाः ४८गू देशयात म्हितकेगु खः ।
कतार विश्वकप २०२२ निसें हे ४८गू देय् थ्यंकेगु फिफाया तयारी धाःसा ताःमलात ।
Categorized in कासा
