अमेरिकाय् कोरोनां सिपिनिगु ल्याः ६० द्धः स्वया अप्वोल
लहनान्युज | बछलाथ्व सप्तमी ११४०, बैसाख १८ बिहिवाः
अमेरिका कोरोना भाइरस (कोभिड–१९) पाखे सिपिनिगु ल्याः ६० द्धः स्वया अप्वोगु दु ।
जोन्स हप्किन्स युनिभर्सिटीं तयार याःगु तथ्यांक कथं अमेरिकाय् आतक ६० द्धः व ९६७ म्ह मनूत कोरोना भाइरसया कारण सिइ धुकुगु दु ।
अथेहे संक्रमित पिनिगु ल्याः १० लाख ३८ द्धः थ्यःने धुकुगु दु ।
कोरोना भाइरसया कारण अमेरिकाय् न्युयोर्क राज्य दकलय् अप्वो प्रभावित जुगु थाय् खः । न्युयोर्कय् आतक करिब स्वगु लाख मनूत संक्रमित जुइ धुकुगु दु, २३ द्धः ४७७ म्ह सिइ धुकुगु दु ।
अथेहे, न्यु जर्सीइ छगु लाख १६ द्धः अप्वो मनूत कोरोना भाइरसपाखे संक्रमित जुइ धुकुगु दु । ६ द्धः ७७१ म्ह मनूत सिइ धुकुगु दु ।
आतक अमेरिकाय् छगु लाख २० द्धः व ७२० म्ह वास याका छेँय् लिहा वने धुकगु दु ।
