२६६८ म्ह डिस्चार्ज,१७ म्ह कोरोना संक्रमणं मन्त
लहानान्युज | कौलाथ्व सप्तमी ११४०,कार्तिक ७ शुक्रवाः
वःगु २४ घन्टाया दुने कोरोनामुक्त जूपि २६६८ म्ह डिस्चार्ज जूगु दु। थ्व नाप नेपालय् आःतक कोरोनामुक्त जूपि १ लाख ५४८८ म्ह थ्यःगु दु।
वःगु २४ घन्टाया दुने नेपालय् थप १७ म्ह कोरोना संक्रमणं सी धुकुगु दु धका स्वास्थ्य तथा जनसंख्या मन्त्रालयं धाःगु दु। थ्व नाप आःतक नेपालय् कोरोना संक्रमण सीपि ८२९ म्ह थ्यःगु दु।
स्वास्थ्य तथा जनसंख्या मन्त्रालयया कथं आःतक पीसीआर विधिपाखे १३ लाख ६७ हजार १६ म्हेसिगु परीक्षण याये धुकुगु दु।
वःगु २४ घण्टाया दुने जम्मा १६ हजार ८६३ म्हेसिगु पीसीआर परीक्षण यःगु खः। आःतक क्वारेन्टाइनय् च्वनाच्वपि ३ हजार ५९० म्ह दु।
Categorized in राष्ट्रिय
