खबरदार पार्टी तछ्या मज्यू : कम्युनिष्ट नेता अधिकारी
लहानान्युज | कौलागा नवमी ११४०,कार्तिक २४ सोमवाः
नेपाःया कम्युनिष्ट नेता मोहनचन्द्र अधिकारीं नेकपा निम्ह अध्यक्षं पार्टी तछ्यायेगु धारणा तय् मज्यू धका धाःगु दु।
वयकलं दुःखसिया दयेकाःगु पार्टी तछ्याना राजनीति यायेगु बेइमान जुइ धका धाःगु खः। छिं नेकपाया अध्यक्ष नाप प्रधानमन्त्री केपी शर्मा ओली व पुष्पकमल दाहाल प्रचण्डयात जिगुपाखे थुगु सन्देश बियायदिसँ कि पार्टी तज्यातकि नेपालय् खतरा जुइ।
वयकलं निम्ह अध्यक्षयात खबरदारी यायेत तक मन्त्री श्रेष्ठयात इनाप यानादिगु खः। अधिकारीयात पुलांगु नैकापय् वयकया निवासय् नापलायेत वःम्ह मन्त्री श्रेष्ठयात निगु पार्टीयात थप मजबुत दयेका दक्क एकजुट जुया न्ह्यने वनेमाः धका स्पष्ट यानादिगु खः।
वयकलं कम्युनिष्ट पार्टीया बारेय् जानकारी दु, जिं थ्व वा व धयाच्वने मालि मःखु जि थ्व आग्रह याये चाहे जु की थज्याःगु अवस्थाय् पार्टी तछ्या मज्यू। वयकलं निम्ह अध्यक्ष मिले जुया वनेगु बाहेक मेगु विकल्प मदु धका धयादिगु खः।
मन्त्री श्रेष्ठं नेता अधिकारीया उगु धापूयात न्यना थः थुगु विषययात गम्भीर जुया कयागु दु धका धयादिगु खः। वयकलं फुटे जुया सुयागु न हित जुइ मखु मिल जुया हे न्ह्यने वनेगु बाहेक मेगु विकल्प मदु। नेपाःया नेशनल मण्डेलाया रुपं म्हसिकादु म्ह पूलाम्ह नेता अधिकारीया स्वास्थ्य अवस्थाबारे जानकारी कायेत मन्त्री श्रेष्ठ वयकया छेँ वःगु खः।
Categorized in राष्ट्रिय
