येँ महानगरपालिका १८ वडाय् नरदेवी श्री श्वेतकाली संरक्षण तथा व्यवस्थापन समाजं न्यतमदु अजिमाया भजन म्येया भिडियो पिहा वःगु दु ।

उगु समाजया नायः सत्यनारायण डंगोलं लहनान्युजयात जानकारी बियादीसे ं कंस माघ ३ गते शनिवाः पाहेलाथ्व न्हापांगु शनिवाः धार्मिक परम्परा कथं न्यतमदु अजिमाया देगलय् तःजिक पर्वपूजा याइगु जूगु दु । उगु हे पर्वपूजाया लसताय् श्वेतकाली अजिमाया निपू भजन म्ये पिथनागु खँ समाजया नायः भाजु डंगोलं लहनान्युजयात कनादीगु दु ।

छपू भजन भिडियो सुन्दर शान्त विशाल नेपाल खँग्वः चिनातःगु भजन म्ये खःसा उगु म्येया खँग्वः परम्परागत न्यत त्वाःया मूलधामी देवकृष्ण महर्जनं च्वयादीगु खःसा म्येहालामि किशोर महर्जन, ईश्वर महर्जन, अनिल महर्जन व राहुल महर्जनपिन्सं हालादीगु दु । अथेहे, दबदब अनिल महर्जन, खिं सुजन नेपाली, बाँसुरी सुमन महर्जन, पर्कसन्स राहुल व अनिल अथेहे संगीत संयोजन म्याग्निटिक एरेञ्ज इन्टरटेन्टमेन्ट व भिडियो सम्पादन आर.के. महर्जनं यानादीगु दु ।

अथेहे, मेगु श्वेतकाली भजन म्येया नं भिडियो नं पिथंगु दु । 

 

Categorized in राष्ट्रिय