नेपाली कांग्रेसया सभापति शेरबहादुर देउवां चि चिं धःगु मतभेदयात ल्वमन्का शहीदया म्हगसयात विपनाय् हिलेमाःगु संकल्प यायेत इनाप याःगु दु।

शहीद दिवसया लसताय् छगु सन्देश बियादीसे सभापति देउवां धाःगु दु, थौं शहीद दिवसया लसताय् देश व लोकतन्त्रया हित रक्षाया नितिं झीसं चि चि धःगु मतभेदयात ल्वमकां शहीदया म्हगस विपनाय् रुपान्तर यायेत संकल्प याये ।’ देशं सुम्पे याःगु राष्ट्रिय जिम्मेवारी पूरा यायेत व नेपालयात छगु सुन्दर, शान्त व समुन्नत राष्ट्रय् हिलेगु लागि जिम्मेवार झीसं दक्को पक्षयात शहीद दिवसं प्रेरणा बिइगु भलसा देउवां कयादीगु दु ।

लोकतान्त्रिक पद्धतिइ छम्ह व्यक्तिया वैयक्तिक स्वतन्त्रता व स्वाभिमानया रक्षा जूइगु धका धयादीसे थुकिइ हे विद्यमान विसंगतिया अन्त्य जूइगु व राष्टं दु्रततर रुपं विकास निर्माणया ज्या याइगु उल्लेख याःगु दु। सुदृढ व सबल लोकतन्त्रपाखे जक नेपाल छगु सुन्दर, शान्त व समुन्नत राष्ट्रय् हिले फइगु धका परिकल्पना व विश्वासय् वीर सपुतपिन्स थःत सहर्ष उत्सर्ग याःगु सभापति देउवां स्मरण यानादीगु दु ।

Categorized in राजनीति