बरिष्ठ निर्देशक पवन जोशीयाःगु न्हुगु म्युजिक भिडियो पिहावल
लहानान्युज | सिल्लागा दशमी ११४१, फागुन २४ सोमवाः
![](https://www.lahananews.com/sites/default/files/pawan_0.jpg)
लोकंह्वाम्ह बरिष्ठ निर्देशक पवन जोशीया निर्देशनय् मेगु छगु न्हूग म्युजिक भिडियो पितब्वज्या जूगु दु।
बरिष्ठ निर्देशक जोशीया निर्देशनय् धुकु पिकु क्यने छन्त नां याःगु बोलया उगु म्युजिक भिडियो जनगायक भृगुराम श्रेष्ठं पितब्वज्या यानादीगु खः । उगु म्युजिक भिडियो पितब्वज्याय् जनगायक श्रेष्ठं थःगु पुलांगु खँ लुमंकादिसे थौं थुगु ख्यलय् सनाच्वंपिन्त सुवाः बियादिगु खः। नांजाःम्ह म्येहालामि प्रवेशमान शाक्यं म्येयात कया नुगःखँ तयादिल ।
अथेहे नेपालभाषाया न्हापांम्ह म्युजिक भिडियो निर्देशक विजयरत्न तुलाधर असंबरें थःम्हेसिनं न्हापांगु म्युजिक भिडियो यानाबलेया खँ न्ह्यथंसे पितब्वज्या जुगु म्येया समीक्षा यानादीगु उगु ज्याझ्वलय् थ्व म्युजिक भिडियोया बारे थुकिया कलाकार, म्येहालामि, च्वमि, संगीतकःमि व प्राविधिकपिन्सं नं थःथःगु खँ तयादीगु खः। ताराराम मुनकःमिं हालादीगु थुगु म्ये विकासरत्न कंसाकारं च्वयादीगु खःसा अनिल तुलाधरं लसय् हनादीगु खः ।
थुके नेपालभाषा संकिपाख्यःया सुपरस्टार रुपेन श्रेष्ठ थक्वाःमि व थौंकन्हेया चर्चित कलाकार नाप मोडल आराध्यालक्ष्मी खड्गीं अभिनय यानादीगु दुसा थुकिया क्यामेरा पर्सन व सम्पादक सोहन मानन्धरं यानादीगु खः ।
Categorized in मनोरन्जन