कोलकाता नाइट राइडर्सं इन्डियन प्रिमियर लिग (आईपीएल)या १४ क्वःगु संस्करणय् विजयी सुरुवात याःगु दु ।

आइतवाः जुगु कासाय् कोलकातां हैदरावादयात १० रनं बूकुगु दु खः । चेन्नाईया एम चितम्बरम स्टेडियमय् टस बुया न्हापा ब्याटिङ याःगु कोलकातां नितिश राना व राहुल त्रिपाठीया अर्धशतकया ग्वाहालि ६ विकेट गुमे याना १८७ रन दयकूगु खः। कोलकातां बिगु १८८ रनया लक्ष्य हैदारावादं २० ओभरय् ५ विकेट गुमे याना १७७ रन जक दयकूगु खः ।

हैदरावादया लागि मनिस पाण्डे व जोनी बेयर्स्टो न अर्धशतक प्रहार याःगु खः । मनिसं अविजित ६१ रन, बेयर्स्टो ५५ रन, अब्दुल सामद अविजित १९ रन दयकूगु खः । कोलकाताया प्रसिद कृष्णां २ विकेट, शकिब अल हशन, आन्द्रे रसेल व प्याट कमिङ्स छगु छगु विकेट काःगु खः ।

अथेहे ओपनर नितिश रानां ८० रन कोलकताया लागि दकलय् अप्वो दकयकूगु खः। राहुल त्रिपाठीं ५३, विकेटकिपर दिनेश कार्तिकं अविजित २२ रन दय्कूगु खः । हैदरावादया रासिद खान व मोहम्मद नावी न निगु निगु विकेट, भुवनेश्वर कुमार व टि नटराजनं छगु छगु विकेट काःगु खः। 

Categorized in कासा