भारतं रोजगारीया लागि छेँ लिहावःपि नेपालीपि सुदूरपश्चिमय् च्वपि ५९ म्हेसित कोरोना सङ्क्रमण पुष्टि जुगु दु।

प्रदेश स्वास्थ्य निर्देशनालय दिपायल राजपुरया कथं गौरीफन्टा नाका जुया शुक्रवा जक लिहावःपि १०४५ म्ह मध्ये ४७५ म्हेसित एन्टिजेन परीक्षण यागुलिल ५९ म्हेसित कोरोना सङ्क्रमण पुष्टि जुग खः ।

लिपागु इलय भारतय् रोजगारी याना लिहावःपि सुदूरपश्चिम प्रदेशया नागरिकपिकें कोरोना सङ्क्रमण अप्वो खने दुगु खः।

भारतं लिहावःपि तपिकं छेँ लिहावःगुलि अन कोरोना सङ्क्रमण अप्वोया वनेवं कोरोनाया महामारी रुप काये फइगु धइ भका धाःगु दु । अन स्थानीय प्रशासनं भारतं लिहावःपिन्त अनिवार्य १५ दिं क्वरेण्टिनय् च्वनेमाः धका धाःगु दु सा उकिया पालना जुयाच्वंगु मदु। 

Categorized in राष्ट्रिय