सीईडीबी हाइड्रोपावर डेभलपमेन्ट कम्पनीया आईपीओ थौं शुक्रवाःनिसे आवेदन खुला जुगु दु ।

छगुकित्ताया एक सय अङ्कित दरं २५ लाख १८ हजार २३० कित्ता साधारण सेयर थौंनिसे आवेदन खुला जुगु दु ।

आईपीओ कम्पनीइ २ प्रतिशत अर्थात् ५० हजार ३६५ कित्ता सेयर कर्मचारी व ५ प्रतिशत जुइगु एक लाख २५ हजार ९११ कित्ता सेयर म्युचुअल फन्डयात छुटे यागु दु।

बाँकी २३ लाख ४१ हजार ९५४ कित्ता सेयर सर्वसाधारणपिन्त आवेदन बिइ फइ धका धागु दु । थुगु कम्पनीया लगानी दुगु लमजुङ जिल्लाये ४.४० मेगावाट राधी विद्युत् कम्पनी व ०.१८ मेगावटया यागे खोला जलविद्युत् आयोजना याना निगु हाइड्रोपावर परियोजना सञ्चालन जुयाच्वंगु दु ।

कम्पनीया लगानी दुगु राप्ती हाइड्रो एन्ड जनरल कन्ट्रक्सन लिमिटेड, दोर्दी खोला जलविद्युत् लिमिटेड व खारे खोला जलविद्युत् कम्पनी लिमिटेड याना स्वंगु आयोजना निर्माण जुयाच्वंगु दु।

Categorized in राष्ट्रिय