कञ्चनपुरय् थप निम्ह कोरोना संक्रमितपि मन्त
लहानान्युज | चौलागा अष्टमी ११४१,बैसाख २० सोमवाः
कञ्चनपुरय् थप निम्ह कोरोना संक्रमितपि सीत ।
महाकाली अस्पतालय् उपचार यानाच्वंपि भीमदत्त नगरपालिका १३ व १९ या निम्ह संक्रमितपि मदुगु धका अस्पतालं धागु दु। महाकाली अस्पतालं बिगु जानकारी कथं वैशाख १५ गते कोरोना संक्रमण पुष्टि जुपि होम आइसोलेसनय् हे च्वना च्वम्ह छम्ह मिसा आइतवाः मदुगु खः ।
भीमदत्त नगरपालिका १९ या ३७ दँ दुम्ह मिजंम्ह सासः ल्हायेगु समस्या जुइवं आइतवा चान्ह्य अस्पताल हंगु खः ।
वयागु चान्ह्य ३ः३० बजेति मदुगु धका धागु दु । अथेअे छवाः न्ह्यः ब्याहा भ्वंजय् वंम्ह भीमदत्त नगरपालिका १३ या ७४ दुम्ह मिसाम्ह आइतवाः बहनि मदुगु धका अस्पतालं धागु दु ।
स्वास्थ्यय् समस्या खने दुगुलि आइतवा अस्पतालय् वासः यायेगु झ्वलय् मदुगु धका धागु दु । वयागुपरिवारं धागु कथं वैशाख १३ गते छ्यया ब्याहा भ्वंजय् वना वम्ह खः।
Categorized in राष्ट्रिय
