प्रमुख प्रतिपक्षी दल नेपाली कांग्रेसया संसदीय दल बैठक च्वनेत्यंगु दु ।

थ्व हे वइगु वैशाख २७ गते विशेष अधिवेशन बैठकय् पार्टीया तयारी लगायतया विषय छलफल यायेगु निति कांग्रेस संसदीय दलया बैठक सतःतुगु दु।

बैठक थौं शनिवाः न्हिनया २ बजे संघीय संसद भवन, बानेश्वरया ल्होत्से हलय् च्वनेत्यंगु दु । प्रतिनिधिसभाया वइगु बैठक सन्दर्भय् पार्टीया रणनीति तय यायेगु, पार्टीया निर्णय कथं सहलह व सांसदपिन्त निर्देशन लगायत विषयया कार्यसूचि तया तःगु दु धका  कांग्रेस संसदीय दलया कार्यालयं धागु दु ।

कांग्रेसया पदाधिकारी व पूर्व पदाधिकारीपिनिगु मंगलवाःया बैठकं प्रधानमन्त्री केपी शर्मा ओलीं विश्वासया मत काइगुलि असफल दयकेगु निर्णय यागु खः ।

Categorized in राजनीति