भारतय् कोरोना भाइरसया कारण छन्हुया दुने हे प्यद्धः स्वया अप्वोसिगु ज्यान वंगु दु ।

वंगु २४ घण्टाया दुने कोरोनाया कारण ४१८७ म्हेसिगु ज्यान वंगु दु धका भारतीय सञ्चारमाध्यमं धागु दु।

थ्व नाप भारतय् छन्हुया दुने कोरोना सङ्क्रमणया कारण सीपि प्यद्धः स्वया अप्वोसिगु ज्यान वंगु देय स्वंगु थासय् लागु दु । थ्व स्वया न्ह्यः ब्राजिल व अमेरिकाय् जक छन्हुया दुने प्यद्धः स्वया अप्वोसिगु ज्यान वंगु दु ।

अथेहे, वंगु २४ घण्टाय् भारतय् प्यंगु लाख स्वया अप्वेसित सङ्क्रमण जुगु दु ।

भारतय् आःतक निगु करोड १८ लाख ९२ हजार स्वया अप्वोसित सङ्क्रमण जुगु दु ।

अथेहे निगु लाख ३८ हजार स्वया अप्वोसिगु ज्यान वने धुकुगु दु ।

Categorized in अन्तर्राष्ट्रिय