नेपाल उद्योग वाणिज्य महासंघं कोभिड १९ सहायता केन्द्र संचालनय् हःगु दु ।

महासंघया पदाधिकारी व सम्वद्ध अधिकारीपिनिगु बैठकं उगु सहायता केन्द्र स्थापना यायेगु निर्णय यागु दु । उगु केन्द्रया समन्वय महासंघया वरिष्ठ उपाध्यक्ष चन्द्र प्रसाद ढकालं यायेत्यंगु खः ।

कोभिड १९ सहायता केन्द्रयात प्रभावकारी रूपं न्ह्यने यकेगु लागि जिम्मेवारी बाँडफाँट तक जुगु दु धका महासंघं धागु दु ।

सहायता केन्द्रपाखे सेवा कायेत महासंघ सचिवालयया सम्पर्क अधिकृतपि हरि पौड्याल (९८०१०९६८१२) व रिंकु घिमिरे (९८०११९२५९१) पिन्त टेलिफोन वा एसएमएस पाखे सम्पर्क याना थःपिन्त मागु सेवा काये फइ।

समस्या जूपिन्त, कोरोना उपचारया सहजीकरण व समन्वय मालाच्वपिन्त थुगु स्वास्थ्य सहायता केन्द्रया पाखे यक्को ग्वाहालि जुइ धका महासंघं धागु दु।

थ्व स्वया न्ह्यः महासंघं हेल्लो डाक्टर संचालनय् हया कोभिड संक्रमण जूपिन्त डाक्टरपि पाखे स्वास्थ्य परमर्श बिया वयाच्वंगु खः ।

Categorized in राष्ट्रिय