येँया धापासी च्वंगु ग्रीन सिटी अस्पतालय् अक्सिजन अभाव जुया कोभिड–१९ या न्हुपि बिरामी भर्ना कायफइ मखु धका घोषणा यागु दु ।

अस्पतालं बुधवाः छगु विज्ञप्ति जारी यासे अक्सिजन आपूर्तिइ समस्या वंगु धासे अस्पतालं न्हुगु भर्ना काये फइमखु धका व उपचार यानाच्वपि बिरामीपिन्त जक छु न इलय् स्थानन्तरण याये मालेफइ धका न धागु दु ।

आः आईसीयू १० व हाई केयर युनिटय् ३० म्ह संक्रमितपिनिगु उपचार जुयाच्वंगु दु धका अस्पतालं धागु दु ।

न्हि २५० सिलिण्डर अक्सिजन आवश्यक जुगु व्यवस्थापन यायेत तसक थाकुगु दु धका अस्पतालं धागु दु ।

आः अक्सिजन मौज्दात छु घण्टा जक दु धासे छु न इलय तःधगु दुर्घटना जुइफु धका अस्पतालं धागु दु ।

Categorized in राष्ट्रिय