कञ्चनपुरय् कोरोना संक्रमणं थप च्याम्ह मन्त
लहानान्युज | कछलाथ्व तृतीया ११४१,बैसाख ३१ शुक्रवाः
कञ्चनपुरय् कोरोना भाइरस संक्रमणं थप च्याम्ह मन्त ।
महाकाली अस्पतालय् उपचार यानाच्वपि कञ्चनपुरया ७ व कैलालीइ छम्ह संक्रमित शुक्रवाः मदुगु धका स्वास्थ्य कार्यालयं जानकारी बिगु दु ।
वयकःया कथं कञ्चनपुर भीमदत्त नगरपालिकाय् स्वम्ह, बेलौरी नगरपालिकाय् निम्ह, वेदकोट नगरपालिका व पुनर्वास नगरपालिकाय् छम्ह छम्ह व कैलालीया गोदावरी नगरपालिकाय् छम्हेसिगु ज्यान वंगु खः।
अथेहे शुक्रवाः थप १११ म्हेसित संक्रमण पुष्टि जुगु दु । महाकाली अस्पतालया प्रयोगशालाय् यागु परीक्षणय् १११ म्हेसित संक्रमण पुष्टि जुगु धका धागु दु। अथेहे थौं हे ११२ म्ह संक्रमणमुक्त जुया छेँ लिहावंगु दु।
Categorized in राष्ट्रिय