२०८० चैत्र १६, शुक्रबार

ठाकुर व यादव दथुइ तत्काल सरकारय् मवनिइगु सहमति

लहानान्युज | कछलाथ्व षष्ठी ११४१,जेष्ठ ४ बुधवाः

निगु पुचलय् विभाजित जनता समाजवादी पार्टी (जसपा) न न्हुगु सहमतिइ वनेत्यंगु दु।

अध्यक्षपि महन्थ ठाकुर व उपेन्द्र यादव दथुइ तत्काल सरकारय् मवनिइगु, तर राष्ट्रिय सहमति वा थःगु नेतृत्वय् न्हुगु सरकार बन्ने अवस्थाय् सरकार गठनय् न्ह्यने वनिइगु धका सहमति यागु दु। यादव पक्ष न्हुगु सरकार गठनया पक्षय् दु सा ठाकुर पक्ष प्रधानमन्त्री केपी शर्मा ओलीनाप न्ह्यने लाः ।

प्रधानमन्त्रीें विश्वासया मत कागु इलय् तटस्थ च्वम्ह ठाकुर पक्षं न्हुगु सरकार गठनया लागि नेपाली कांग्रेसयात साथ मबिगु खः । थुगु हे विवादया कारण पार्टीया कार्यकारिणी समिति बैठक तक च्वने मफुगु खः। आः छु दिं न्ह्यःनिसे सहमतिया कुतः जुयाच्वंगु दु । ठाकुर व यादव दथुं सम्वाद जुगु दु ।

तत्कालीन राजपापाखे मनिष सुमन, मृगेन्द्र यादव व समाजवादी पार्टीपाखे रेणु यादव, मोहम्मद इस्तियाक राई, प्रकाश सिंह व गंगानारायण श्रेष्ठ लगायतया नेतापिन्स निम्ह अध्यक्षपिन्त सहमति हयेगु भूमिका म्हितुगु खः। अध्यक्षपि ठाकुर व यादवं मंकाः कथं वक्तव्य जारी यासे तत्काल सरकारय् मवनेगु प्रष्ट यागु दु।

थ्व नाप आः प्रधानमन्त्री केपी शर्मा ओली संसदय् विश्वासया मत काइगु इलय् जसपाया ग्वाहालि मदइगु पक्का जुगु दु ।

Categorized in राजनीति