अय्ला खुगु आरोपय् सिराहा प्रहरी स्वम्हेति निलम्बन यागु दु।

जिल्ला प्रहरी कार्यालय सिराहां अय्ला खुगु द्धपनय् छम्ह प्रहरी सहायक निरीक्षक (असई) नाप स्वम्हेसित निलम्बन यागु दु। लहान नगरपालिका वडा नम्बर २३ गढिया चोकय्  पूजा होटल नाप एसके मदिरा पसलय् भोड्का रक्सी खुगु आरोपय् उमित ज्वंना निलम्बन यागु धका सिराहा प्रहरीया प्रवक्ता शालिग्राम शर्मा धागु दु।

निलम्बन जुपि असई नवलकिशोर ठाकुर व जवानपि अन्नु कुमार राय व नरेश कुमार राय खः। इलाका प्रहरी कार्यालय लहानय् ज्यायाइपि उपि प्रहरी नियमावली २०७१ बमोजिम सोमवाःनिसे लागू जुइ कथं निलम्बन यागु खः । वंगु जेठ ९ गते गस्ती खटे जुपि स्वम्हं उगु पसलय् अय्ला त्वना हो–हल्ला यापि मनू तयेत नियन्त्रणय् कायेत स्वंगु इलय् पसः सञ्चालक बिस्यू वंगु खः।

उगु अवस्थाय् पसलं प्रहरीपिन्स भचा भोड्का अय्ला यकूगु भिडियो सार्वजनिक जुगु खः।

Categorized in अपराध