प्यम्ह सांसदयात उपनिर्वाचनय् मतदान मयाकेत विपक्षी दलया माग
कछलागा पंचमी ११४१,जेष्ठ १७ सोमवाः
प्यम्ह सांसदयात उपनिर्वाचनय् मतदान मयाकेत विपक्षी दलया माग अदालतय् मुद्दा विचाराधीन जुयाच्यंगुलि प्यम्ह सांसदयात लुम्बिनी प्रदेशया राष्ट्रिय सभा उपनिर्वाचनय् मतदान मयाकेत विपक्षी दलं माग यागु दु।
मतदान ज्ुइगु स्वया १६ घण्टा न्ह्यः निर्वाचन आयोगं पूरक मतदाताया रुपय् मताधिकारया अधिकार बिगुलि विपक्षी दलपिन्स उगु निर्णय न निर्वाचनया निष्पक्षता न्ह्यसः तया निर्णय कार्यान्वयन मयायेत माग यागु दु। पार्टी न कारवाही याये धुकुपि जनता समाजवादी पार्टीया सांसदपि सन्तोषकुमार पाण्डेय, विजयबहादुर यादव, कल्पना पाण्डे लम्साल व सुमन शर्मा रायमाझी पदमुक्त जुगु खः।
पदमुक्त जुइवं उमित सर्वोच्च अदालतय् वंगु खः। अदालतं अन्तरिमकालीन आदेश बिया उमित पदमुक्तया निर्णय तत्काल कार्यान्वयन मयायेत आदेश बिगु खः। तर निर्वाचन आयोगं मतदाताया अन्तिम नामावलीइ उमिगु नां प्रकाशन यागु मदु। आइतवाः बहनि ५ बजेलिपा निर्वाचन आयोगं मन्त्रीपि नाप जनता समाजवादी पार्टीया प्यम्ह सांसदपिन्त मतदानया लागि अधिकार बिगुलि विपक्षी गठवन्धनं आयोगया निर्णय यागु विरोध यागु खः।
नेपाली कांग्रेस संसदीय दलया नेता विरेन्द्रकुमार कनौडिया, माओवादी केन्द्रया संसदीय दलया नेता कुलप्रसाद केसी, जनता समाजजादी पाटीया संसदीय दलया प्रमुख सचेतक पूर्मती ढेङ्गा मगर व राष्ट्रिय जनमोर्चाया तारा जिसीपिन्स मंका कथं विज्ञप्ति पिकया आयोग यागु लिपागु पलाःया संवैधानिक आयोग यागु विश्वसनियताय् तक आशंका जुगु धका उल्लेख यागु दु।
आयोगया लिपागु निर्णय न लुम्बिनी प्रदेशय् ८३ म्ह प्रदेशसभा सदस्यपिन्स मतदान याये दइ । प्यम्ह मन्त्रीपिन्स मताधिकार याये दुगुलि सत्ता पक्षय् उम्मेदवारपिनिगु पक्षय् १९६ मत अप्वो जुगु दु। छम्ह प्रदेश सांसदया मतभार ४८ दु। निर्वाचनय् एमालेपाखे चन्द्रबहादुर खड्का व विपक्षी प्यंगु दलया गठबन्धनपाखे नेपाली कांग्रेसया दृगनारायण पाण्डेय उम्मेदवार जुगु खः।
