वरिष्ठ कलाकार नाप संस्कृतिया अनुन्धानकर्ता एकाराम सिं थौं ५९ दँया बैशय् सोमबाः सनिलय् येँय्या भुइजःसि नगरपालिकाया चुनिखेल कपनया करुणा अस्पतालय् वासःया झ्वलय् मदुगु खः

कोरोना संक्रमण जुया वय्कः वंगु बैशाख ३१ गते अस्पतालय् सामान्य अवस्था भर्ना जुयादिगु खः। लिपा वय्कया स्वास्थ्य अवस्था जटिल जुगुलि आइसियु व भेन्टलेटरय् तया वासः जूगु खः ।

वयकलं लिपांगु इलय् येँ महानगरपालिकापाखें लागू याःगु नेपालभाषाया पाठ्यक्रम ‘येँ देय् म्हसीका’ या छगू तगिंनिसें च्यागू तगिं तकया सफूयात माःगु चित्रत च्वयादीगु खः।

चित्रकला विधाय् नं इलस्ट्रेशनय् विज्ञ जुयादिम्ह वय्क वर्ल्ड भिजन, आइयूसिएन लगायत संघसंस्थाय् नं आवद्ध जुया ज्या यानादिगु खः। नेपाल लिपि गुथिया संस्थापक मध्येया छम्ह खः।

वय्कया योगदानयात कदर यासें ज्यापू संस्कृति विकास कोषं “ज्यापू प्रज्ञा“ सम्मानित जुयादी धुकुगुम्ह खः ।

Categorized in राष्ट्रिय