६१ गु जिल्लाय् कन्ह्यनिसे व प्यगू जिल्लाय् थौनिसे निषेधाज्ञा क्वचायेत्यःगु दु। उगु जिल्लाय् निषेधाज्ञा थपे यायेगु तयारी दु।

थ्व स्वया न्ह्यः निषेधाज्ञाया अवधि सिधःगु ९ जिल्लाय् निषेधाज्ञा थपे याये धुकुगु दु। सप्तरीइ धासा मेगु निर्णय मजूतले आंशिक निषेधाज्ञा यानातःगु दु। सप्तरी, ताप्लेजुङ व मुस्ताङय् आंशिक व ल्यःदनिगु ७२ गु जिल्लाय् पूर्ण रुपं निषेधाज्ञा यागु दु।

दाङय् वइगु असार १ गतेतक, हुम्ला, रामेछाप व सल्यानय् असार २ गते तक, भोजपुर, धनकुटा व चितवनय् असार ३ तक, गोरखाय् असार ५ गते तक व उदयपुरय् असार ७ गते तक निषेधाज्ञा याना तःगु दु।

कोरोना सङ्क्रमणया जोखिम कम जुगु कारण आःतक खोटाङ व मनाङ जिल्लाय् निषेधाज्ञा यागु मदुनि।

Categorized in राष्ट्रिय