२०८० चैत्र १६, शुक्रबार

लोकस–२०२१ पाखे वृक्षरोपण

लहानान्युज | दिल्लाथ्व द्धादशी ११४१,साउन ६ बुधवाः

त्रिभुवन विश्वविद्यालय पुल्चोक ईञ्जिनियरिङ्ग क्याम्पसया विद्यार्थीपिन्स संचालन यागु गैर सरकारी संस्था ‘लोकस’ न वृक्षरोपण ज्याझ्वः यागु दु।

इलेक्ट्रिकल, इलेक्ट्रोनिक्स व कम्प्युटर विभागयाा विद्यार्थीपिनिगु मंकाः संगठन लोकसं म्हिगः दथुइ साउन ५ गते मंगलबाः छगु ज्याझ्वः वृक्षरोपण यागु खः ।

थ्व स्वया न्ह्यः लोकसं प्राविधिक मेला व प्रशिक्षण कार्यक्रम सम्पन्न यागु खः। लोकस २०२१ या अध्यक्ष आदर्श बोहोराया कथं वंगु दँ प्राविधिक व प्रशिक्षणत्मक कार्यक्रम महत्वपूर्ण कार्यक्रम जुगु व थुगु पटक सामाजिक क्षेत्रय् विस्तार यायेगु उद्देश्यं थुगु दँय् वृक्षरोपण कार्यक्रम  समावेश यानागु खः।

थःगु हे क्याम्पस दुने वृक्षरोपण कार्यक्रम याना पिने न यायेगु धका अध्यक्ष बोहोरां धागु दु। लोकस–२०२१ या अध्यक्ष बोहोराया कथं इन्जिनियरिङ्ग नाप सम्वन्धित व मेमेगु विविध तालिमया अनलाईनपाखे संचालन याना वयाच्वनागु दु।

कोरोना भाईरस संक्रमणया कारण भौतिक रुपं कक्षा संचालन यायेत असम्भव जुगुलि अनलाईन प्रविधिया प्रयोगयासे लोकसं तालिमया व्यवस्था यानागु दु धका धागु दु।

Categorized in राष्ट्रिय