नेकपा (एमाले)या नेता योगेश भट्टराई न अध्यक्ष केपी शर्मा ओली पक्ष व माधव नेपाल समूहया युथ फोर्स नाप अखिल फोर्स गठन यागुलि आपत्ति यागु दु।

पार्टी हे दुगु अनेरास्ववियु व युवासंघयात ल्यूनेलाका मेमेगु संगठन तयार यागु धासे नेता भट्टराई न उकिया औचित्य न्ह्यसः थंगु द। ‘अनेरास्ववियु व युवासंघ थेजाःगु संगठनयात लिउने लाका निर्माण यागु युथ फोर्स अखिल फोर्सेया औचित्य छु खः?’ भट्टराई न न्ह्यसः तःगु दु।

एमाले दुने नकतिनि हे गुटगत संगठन निर्माण जुगु दु। समानान्तरण जनवर्गीय संगठन निर्माण याना माधव समूह निकट अनेरास्ववियु न अखिल फोर्स निर्माण यागु खःसा अध्यक्ष ओली पक्षं युथ फोर्स न्ह्यने हःगु खः। नेपाल निकट युवा संघ न पिपुल्स भोलिन्टियर ‘पीभी’ न न्ह्याकेगु तयारी यानाच्वंगु दु।

Categorized in राष्ट्रिय