निर्वाचन आयोगं नेपाः राष्ट्रिय पार्टी लगायत ४१ गु राजनीतिक दलया दर्ता खारेज यागु दु।

आयोगं मंगलबाः च्वंगु बैठकं साउन २० गतेनिसे लागू जुइ कथं ४१ गु दलया दर्ता खारेज यायेगु निर्णय यागु दु धका प्रवक्ता राजकुमार श्रेष्ठं जानकारी बिगु दु। आः ९५ गु दलया जक दर्ता कायम जुगु दु धका धागु दु।

आयोगं खारेज जूगु प्रत्येक राजनीतिक दलयात ५० हजार जरिवाना तोके यागु दु सा उकियात सरकारी बाँकी सरह असुल उपर यायेत केन्द्रीय तहसिल कार्यालययात पौं छ्वंगु दु। जरिवाना मपूतल तक खारेज जुगु दलया केन्द्रीय पदाधिकारीपिन्स मेगु दल दर्ता यायेत व आयोगय् दर्ता दुगु मेगु दलया पदाधिकारी जुइ मदइगु धका प्रवक्ता श्रेष्ठं धागु दु।

आयोगं दर्ता खारेज जुगु दलया केन्द्रीय पदाधिकारी, सदस्यपिनिगु नां व विवरण सार्वजनिक यागु दु।

खारेज जुगु दल व पदाधिकारीपि थुकथं दु 

Categorized in राजनीति