हाइटीइ शक्तिशाली भुखाय् ब्बया ३०४ म्ह मनू सीगु दु सा सलसं घाइते जुगु दु।

उगु थासय् प्रधानमन्त्रीं भुखाय् ब्बया यक्को क्षति जुगुलि लच्छिया निति आपतकाल घोषणा यागु दु। भुखाय ब्बया छेँ, चर्च, होटेल लगायतया संरचना दुगुं दु। स्थानीय ई कथं  शनिबाः सुथय् हाइटीइ ७.२ म्याग्निच्युटया भुखाय् ब्बगु दु।

इपिसेन्टर सेन्ट–लुइस दुसुद धइगु थासय् स्वया १२ किलोमिटर तापाक्क ब्बगु धका अमेरिकन जिओलोजिकल सर्भे न धागु दु। उगु भुखाचं करिब १२५ किलोमिटर तापाक्क धक्का नकुगु धका धागु दु।

अमेरिकी राष्ट्रपति जो बाइडनं भुखाचं प्रभावित हाइटीइ तत्काल राहत ग्वाहालि यायेत यूएसआइडीयात धागु दु।

Categorized in अन्तर्राष्ट्रिय