येँय् थौंनिसें प्लस टु व परीक्षा बीपिं विद्यार्थीतय्त खोप न्ह्यात
गुंलाथ्व त्रयोदशी ११४१, भाद्र ४ शुक्रवाः
येँ महानगरपालिकां थौंनिसें ११ व १२ तगिमय् ब्वनीपिं विद्यार्थीतय्त कोरोना विरुद्धया खोप न्ह्यात ।
महानगरं विद्यार्थीतय्त भेरोसेल खोपया न्हापांगु डोज बिउगुु खः । प्लस टु व विश्वविद्यालय तगिंया परीक्षाया प्रवेश पत्र काःपिं विद्यार्थीतय्त खोप बीत्यनागु महानगरं न्ह्यथंगु दु ।
अथे हे, थौंनिसें य्ँय् ४० दं च्वय्या नागरिकतय्त नं भेरोसेल खोपया न्हापांगु डोज न्ह्यात ।
महानगरयाकथं खोप अभियान महानगरया ३२गुलिं वडाय् भदौ ४, ५ व ८ गते जुइ ।
Categorized in राष्ट्रिय
