नेकपा एमाले लुम्बिनी प्रदेश संसदीय दलं प्रदेशसभा सदस्य नाप विना विभागीय मन्त्री अजय शाही व सांसद विमला खत्रीयात पदपाखे हटे मयातले सदन न्ह्याके बिमखु धका धागु दु।

प्रदेशसभाया सभामुख पूर्णबहादुर घर्तीमगरयात सोमबाः पौं बुझेयासे प्रमुख सचेतक भूमिश्वर ढकालं सभामुखं पटक–पटक पद अनुकुलया आचरण मयासे प्रदेशसभाया गरिमाय् आँच वइगु कथं ज्यायागुलि संविधानया धारा १८२ या उपधारा ६ या खण्ड (ग) नाप प्रदेश सभा नियमावली, २०७४ या नियम १८० बमोजिम आचरण मयागुलि व सदस्य हटे मयागु धका धासे सदन न्ह्याके बिइमखु धका धागु दु।

प्रदेशसभा सचिवालयं प्रदेशसभा नियमावली १८७ नाप सम्बन्धित अनुसूची ६ कथं शाहीं स्वतन्त्र व वलीं माओवादी केन्द्रय् आवद्ध दुगु  विवरण बुझे यागु खः। नेकपा एमाले शाही व खत्रीयात सांसद पदपाखे मुक्त यायेगु माग यासे प्रदेशसभाया बैठक अवरुद्ध याना वयाच्वंगु खः।

Categorized in राष्ट्रिय