धमाधम विद्यार्थीपि बिरामी जुइवनेवं कुश्मा नगरपालिका–११ पकुवाया सिल्सीइ च्वंगु निगु विद्यालय बन्द जूगु दु।

स्थानीय विश्वज्योति प्राविधिक तथा व्यावसायिक मावि व रानीस्वाँरा प्रावि बन्द याउगु दु। छवाःनिसे विद्यार्थीपिन्त ज्वर वइगु, सेँखं चाइगु, छ्य स्याना वंगु व वान्ता जुइथे जागु लक्षण खनेदुगुलि विद्यालय बन्द जुगु दु धका विश्वज्योति प्राविधिक तथा व्यावसायिक माविया प्रधानाध्यापक गणेश तिमिल्सिना जानकारी बिउगु दु।

शुरुइ कक्षा ७ या विद्यार्थीपि जक बिरामी जुगु खः। वया छवाःलिपा शनिबाःनिसे मेमेगु कक्षाया विद्यार्थीपि न बिरामी जुगुलि अनिश्चितकालया लागि विद्यालय बन्द यानागु दु धका धाउगु दु। पकुवाया रानीस्वाँर क्षेत्रय् अधिकांश विद्यार्थीपि बिरामी जुगु खः।

आःतक ५० म्ह विद्यार्थीपि बिरामी जुइ धुकुगु दु व उमिगु पीसीआर परीक्षणया लागि स्वास्थ्यकःमि सःतूगु दु धका धाउगु दु।

Categorized in राष्ट्रिय