वाःया न्हापागु दिं आइतवाः शेयर बजार घटे जुगु दु।

नेप्से थौं ६१ दशमलव २७ अङ्कं घटे जुया २ हजार ७ सय ५८ दशमलव ४८ विन्दुइ कुहावंगु दु। थौं दक्को समूहया शेयर कुहावंगु दु। बीमा, विकास बैंक, फाइनान्स व हाइड्रोपावर समूहया शेयर यक्को अङ्कं कुहावंगु दु।

२३३ गु कम्पनी मध्ये २४ गु कम्पनीया शेयर जक सामान्य रुपं थहावंगु दु। आईसीएफसी फाइनान्सया शेयर दकलय् अप्वो ९ प्रतिशतं कुहावंगु दु। समग्र बजार घटे जूसा मनकामना स्मार्ट लघुवित्त कम्पनीया शेयर १० प्रतिशतं थहावंगु दु।

१ करोड ४४ लाख ९४ हजार कित्ता शेयर ६ अर्ब ५० करोड रुपैयाँया थौं कारोबार जूगु दु। दकलय् अप्वो अरुण भ्याली हाइड्रो कम्पनीया ३३ करोड ९५ लाख रुपैयाँया शेयर किनबेच जूगु दु।

Categorized in राष्ट्रिय