स्वन्हु लगातार घटे जुया म्हिगः बुधबाः ५० अंक थहावंगु शेयर बजाः थौं बिहीबाः हाकन कुहावंगु दु।

शेयर कारोबार मापक नेप्से परिसूचक ३२ दशमलव ५१ अंकं घटे जुया २ हजार ६ सय ३३ दशमलव ४२ अंकय् कुहावंगु दु।

अथेहे ‘क’ वर्गया कारोबार मापन याइगु सेन्सेटिभ इन्डेक्स न ६ दशमलव ४१ अंकं कुहावंगु दु। थौं नेप्से परिसूचक नाप शेयर कारोबार रकम न कुहावंगु दु।

छन्हु हे २२ अर्ब रुपैयाँ तक कारोबार जुगु नेपाली शेयर बजाः थौं बिहीबाः ३ अर्ब ७० करोड रुपैयाँ जक शेयर कारोबार जूगु दु। शेयर बिक्रीया चाप खने मदुसा शेयर कारोबार रकम धासा घटे जुगु दु।

थौं बिहीबाः जम्मा ४९ हजार ८ सय ३५ गु जक कारोबार जुगु दु। २५ कम्पनीया ७३ लाख २१ हजार १४ कित्ता जक शेयर किनबेच जुगु दु।

Categorized in राष्ट्रिय