साढे ३३ किलो लुँ तस्करी प्रकरणया मुख्य आरोपी चुडामणि उप्रेती ‘गोरे’ यात जन्मकैदया सजाय याउगु दु।

जिल्ला अदालत, मोरङया न्यायाधीश भरत लम्सालया इजलासं गोरेनाप हत्याय् खुम्ह आरोपीयात जन्मकैदया सजाय न्यकूगु दु। जन्मकैदया सजाय जूपि टेकराज मल्ल ठकुरी, लाक्पा शेर्पा, मोहन काफ्ले, नरेन्द्र कार्की व भोजराज भण्डारीपि खः।

अदालतया श्रेस्तेदार टिकेन्द्रवीरजंग राणाया कथं राजन कुमारयात स्वदँ व माधव धाम्ह मदनप्रसाद घिमिरेयात खुलाया कैद सजायया फैसला न्यकूगु खः। जिल्ला प्रहरी कार्यालय, मोरङय् पेश याउगु रायनाप प्रतिवेदनया आधारय् १९ वैशाख २०७५ या आपराधिक समूह स्थापना व सञ्चालन याना लुँया अवैध कारोबार, अपहरण नाप शरीर बन्धक व कर्तव्य ज्यान सम्बन्धी कसूरया मुद्दा दर्ता जुगु दु।

उकि मध्ये ज्यान मुद्दाया आरोपी जक दोषी ठहर जुगुु दु। अपहरण नाप शरीर बन्धकय् न गोरे जक दोषी क्यंगु दु। श्रेस्तेदार राणा धाउगु दु, ‘वयकः याउगु सजाय निर्धारण लिपा जुइ।’ प्रकरणय् द्धपःलापि दक्को प्रहरी अधिकारीयात न सफाइ बिइगु आदेश अदालतं बिउगु दु।

Categorized in अपराध