बेल्जिययात बुकुसें फ्रान्स नेशन्स लिगया फाईनलय्
कौलाथ्व द्धितीया ११४१, असोज २२ शुक्रवाः
बेल्जियमयात बुकाः फ्रान्स युएफा नेशन्स लिग फुटबल च्याम्पियनसीपया फाईनलय् थ्यंगु दु ।
वंगु चान्हय् जूगु सेमिफाईनल खेलय् २–० गोलं ल्यूनय् लाःगु अवस्थायात हिलाः फ्रान्सं ३–२ गोल यानाः कासा त्याकूगु दु । कासाया न्हापांगु हाफय् यानिक कारास्को व रोमेलु लुकाकुं गोल यायेवं बेल्ज्यिमं २–० गोलया अग्रता काःगु दु ।
तर निगूगु हाफय् फ्रान्सया करिम बेन्जमा, किलियन एम्बाप्पे व थियो हर्नान्डेजं छगोल छगोल यानाः पुचाःयात कासा त्याकेब्यूगु खः । हर्नान्डेजं कासाया ९०गूगु मिनेटय् निर्णायक गोल याःगु खः ।
फ्रान्सं आः उपाधिया नितिं स्पेनलिसे धेंधेंबल्ला याइ । च्याम्पियनसीपया न्हापांगु सेमिफाईनल कासाय् इटालीयात २÷१ गोलं बुकाः स्पेन फाइनलय् थ्यंगु दु ।
Categorized in कासा
