अनलाइन ठग निम्हेसित प्रहरी ज्वन
लहनान्युज | सिल्लाथ्व चतुर्दशी ११४१, फागुन १४ शुक्रवाः
चिठ्ठा लात धका ध्यवा जम्मा याके बिया ठगी याइम्ह छम्ह भारतीय नागरिक नाप निम्हेसित प्रहरीं ज्वःगु दु।
ज्वपि भारत बिहारया पूर्वी चम्पारण जिल्ला छेँ दुम्ह ४३ दँ दुम्ह राकेश कुमार व पर्साया वीरगञ्ज महानगरपालिका–१० या ३२ दँ दुम्ह रामपुकार प्रसाद यादव खः।
थीथी तिथिइ इमो व ह्वाट्स एपपाखे चिठ्ठा लात धका बैंक खाता व इसेवापाखे उमिसं १ लाख ८४ हजार रुपैयाँ जम्मा याके बिःगु खः।
उपिपाखे पीडित खुम्हेसिया महानगरीय अपराध महाशाखा येँ बिःगु उजुरीया आधारय् उमित बिहीवाः ज्वनागु धका प्रहरीं धाःगु दु । ज्वपि निम्हेसित माःगु अनुसन्धान जुयाच्वंगु दु धका धाःगु दु ।
Categorized in अपराध