२०७८ श्रावण १६, शनिबार

यलया च्यासलय् न्हिनय् लुटपाट

लहनान्युज | थिंंलागा दशमी ११४१, २४ गते शुक्रवाः

नुवाकोट छेँ दुम्ह यलया च्यासलय् च्वना च्वम्ह धनकुमारी ठकुरीया छेँय् न्हिनय् हे लुटपाट याःगु आरोपय् प्रहरीं प्यम्हेसित ज्वःगु दु।

उदयपुर च्वम्ह यलया च्यासल च्वनाच्वम्ह २६ दँ दुम्ह भरत मगर, ताप्लेजुङयाम्ह यलय् लगनख्यलय् च्वना च्म्ह २८ दँ दुम्ह निर्मला राई, ललितपुरया भारदेब–२ छेँ दुुम्ह आः लगनख्यलय् च्वना च्वम्ह २० दँ दुम्ह सुस्मिता डिम्डो व यलया चापागाउँय् च्वनाच्वम्ह २९ दँ दुम्ह लबिन लामा बल तामाङया प्रहरी ज्वःगु दु।

वःगु पुस १३ गते न्हिनय् करिब २ः३० बजे अन्दाजी ५७ दँ दुम्ह धनकुमारी ठकुरीया कोठाय् अपरिचित मनू दुहा वया सी माला निगु, म्हासुगु पत्थर छगु, म्हासुगु टल्कं जुगु धातु छगु व पुलागु सिक्का १४ गः लुटे याःगु उजुरी वःगु खः।

उगु उजुरीया आधारय् अनुसन्धान यागु यलय् प्रहरीं लुटे याःगु सामान नाप प्यम्हेसित बिहीवाः बहनि ५ः३० बजे च्यासलय् ज्वःगु खः।

Categorized in अपराध