नेपाल कम्युनिस्ट पार्टी (नेकपा)या अध्यक्ष पुष्पकमल दाहाल ‘प्रचण्ड’ नं प्रधानमन्त्री केपी शर्मा ओलीं छगु लिपा मेगु असंवैधानिक पलाः ल्ह्वना च्वंगु आरोप बियादीगु दु। प्रतिनिधिसभा विघटन यासे देशय् संवैधानिक–राजनीतिक संकट हःगु धका धयादीगु दु । नेकपा प्रचण्ड–नेपाल समूह नं थौं शुक्रवाः यलया होटेल हेरिटेजय् छगु पत्रकार सम्मेलनयासे अध्यक्ष प्रचण्डं संसद् विघटन यासे संविधानया मर्मय् प्रहार याःगु दु धका धाःगु खः ।

संविधान शान्तिया अंग खः धका धयादीसे वयकलं ओलीया पलाः शान्ति भंग यायेगु पाखे वःगु तर्क बिःगु दु। ‘‘संविधान शान्तिया अंग खः। शान्तियात न्ह्युइगु ज्या याये मज्यु,’’ वयकल थ्व शान्ति भंग यायेगु ज्या याना संवैधानिक–राजनीतिक संकट देशय् हया गृहयुद्धया लँय् वनेत्यःगु जकला मखु धका न्ह्यसः तयादीगु खः ।

संसद् विघटन व संसदीय सुनुवाइ हे मयासे संवैधानिक निकायया पदाधिकारीपिनिगु नियुक्ति निरंकुशताया पराकाष्ठा खः धका धयादीगु खः। थःपि शान्ति, स्थिरता व सुशासनया पक्षय् दु धका न धयादगु दु।

Categorized in राजनीति