रियाल मड्रिड झ्वःया निगूगु थासय्
पोहेलाथ्व एकादशी ११४१, माघ ११ आइतवाः
स्पेनिस लिग फुटबलय् रियाल मड्रिडं आलाभेजयात ४–१गू गोलं बुकूगु दु ।
आलाभेजया ख्यःलय् जूगु कासाय् रियाल मड्रिडया त्याकेत करिम बेन्जमां निगू गोल याःबलय् क्यासेमिरो व इडन हाजार्डं छगोल छगोल तःगु खः ।
आलाभेजया नितिं होजे माटों छगोल यात । त्याकेधुंका रियाल मड्रिड न्हापांगु थासय् लानाच्वंगु एथ्लेटिको मड्रिडसियां ४गू ल्याःया जक म्हो जूगु दु ।
१७गू कासां एथ्लेटिकोया ४४गू ल्या दु धासा निगू कासा अप्वः म्हितूगु रियाल मड्रिडया ४०गू ल्याखं निगूगु थासय् लानाच्वंगु दु ।
३६गू ल्यालिसें सेभिया स्वंगूगु थासय् अथे ३४गू ल्यालिसें बार्सिलोना प्यंगूगु थासय् दु ।
