‘बिग बोस’ १४गू संस्करण उपाधि रुबीनायात
सिल्लाथ्व दशमी ११४१, फागुन १० सोमवाः
![](https://www.lahananews.com/sites/default/files/rubina-BB-14-winner-1200.jpg)
टिभी शो ‘छोटी बहू’ पाखें बलिउडया रंगमंचय् दुहाँवम्ह रुबीना दिलैकं थुगुसीया रियालिटी शो ‘बिग बोस’ या १४गू संस्करण थःगु नामय् यायेत ताःलात ।
बिग बोसया उपाधि त्याकुसें वय्कलं ३६गू लखः या ध्येबा सिरपा नं त्याकूगु दु ।
अथेहे राहुल वैद्य फस्ट रनर अप जुयादिल । वय्क इण्डियन आइडलया न्हापांगु सिजनय् नं फस्ट रनर अप जुयादिम्ह खः ।
शोया होस्ट सलमान खानं त्याकूमीया नां सार्वजनिक याय्न्ह्यः फाइनल तक्क थ्यंपिं दक्व प्रतियोगीपिन्त छगू ह्वःता ब्यूगु खः कि उमिसं १४गू लखः ध्येबा ज्वना शो त्वना वनेफई ।
दक्व प्रतियोगीपिन्त सोचेयाय्त ३०गू सेकेण्डया ई ब्यूगु खः । दकले न्हापां राखी सावन्तं न्ह्यने वयाः १४गू लखः ध्येबा ज्वना शो त्वःतावंगु खः ।
थ्वःलिपा रुबीनायात सलमान खानं त्याकूमीया नां घोषणा याःगु खः । खानं वइगु च्यालाःया दुने हाकनं मेगु सिजन हयेगु बचं ब्यूसें थुगुसीया सिजन क्वचाःगु खः ।
थुगुसीया सिजनय् इहिपाः जुपिनिगु जोडीया नं दुथ्याकूगु खः । अभिनव व रुबीना नं इहिपा जोडीया कथं दुथ्याःगु खः ।
उपि त्यपू टिभी शो छोटी बहू सिरियलं नां जाःपिं खः ।
Categorized in मनोरन्जन