स्कुल बस दुर्घटना जुया छम्ह सीत
चिल्लाथ्व दशमी ११४१, चैत्र १० मंगलबाः
दाङया तुलसीपुरय् विद्यार्थी च्वनावःगु बस दुर्घटना जुयाः छम्हेसिया ज्यान वंगु दु ।
पब्लिक ज्ञानज्योति माध्यमिक ब्वनेकूया विद्यार्थी च्वनावःगु रा १ क ४३३ ल्याःया बस थौं सुथय् दुर्घटना जूबलय् तुलसीपुर उपमहानगरपालिका १५ या १९दँया सम्झना केसी मदुगु प्रहरीं न्ह्यथंगु दु ।
वय्कः बसं काःगु खः । उद्धार यानाः वासः यायेत सिटी अस्पताल यंकूसां चिकित्सकतय्सं वय्कः मदयेधुंकूगु धाःगु खः । दुर्घटनाय् १५ घाःपाः जूगु दु । उपिंमध्ये छुंयात वासः यायेत बाँके छ्वःगु दु ।
बसं प्लस टूया विद्यार्थी कुबियावःगु खः । तच्वःगु गतिया हुनिं बस दुर्घटनाय् लाःगु अनुमान प्रहरीया दु ।
Categorized in अपराध
