वेष्ट इन्डिजया काउरन पोलार्ड नं टी–२० क्रिकेटय् छगु हे ओभरय् ६ छक्का प्रहार याःगु दु ।

श्रीलंका विरुद्धया न्हापागु टी–२० य् पोलार्डं अकिला धनन्जययात छगु हे ओभरय् ६ छक्का थ्वाःगु खः । धनन्जय कासाया प्यगु ओभरय् ह्याट्रिक विकेट काःगु खः तर खुगु ओभर पोलार्डं छक्काया वर्षा याःगु खः। पोलार्डया हे ३८ रनया ग्वाहालि वेष्ट इन्डिजं न्हापागु टी–२० य् श्रीलंकायात प्यगु विकेटं बुकुगु खः । श्रीलंकां बिःगु १३२ रनया लक्ष्य वेस्ट इन्डिजं १३.१ बलय् ६ विकेटय् पुरा याःगु खः ।

अथेहे एभिन लेविसं २८ व लेन्डल सिमोन्सं २६ रनया योगदान याःगु खः। ज्यासन होल्डर २९ रनय् अविजित जुगु खः। श्रीलंकाया धनञ्जयं ह्याट्रिक विकेट काःगु खः । प्यगु ओभरय् निगु बलय् इभिन लुइस, स्वगू बलय् क्रिस गेल व प्यगु बलय् निकोलस पुरनयात आउट यासे ह्याट्रिक पूरा याःगु खः। अथेहे डी सिल्भां न स्वगू विकेट काःगु खः। वया न्ह्य टस बुया न्हापा ब्याटिङ यागु श्रीलंकां निर्धारित २० ओभरय् ९ विकेट गुमे यासे १३१ रन दयकूगु खः ।

श्रीलंकाया पाथुम निशनकां ३९ व निरोशन डिक्वेलां ३३ रनया योगदान याःगु खः । वेस्ट इन्डिजया ओबेड म्याकोवे न निगु विकेट काःगु खः । स्वगु कासाया सिरिजय् वेस्ट इन्डिज १–० न न्ह्यने लाःगु दु।

Categorized in कासा