ज्याझ्वःया विशेष अतिथि इन्द्रदेवी महर्जनं ब्वतिकाःपिं सकसिगु नुगः खँ तःगु न्यनाबलय् थःअतिकं प्रभावित जूगु धयादिल।

 

प्रशिक्षक सुरजवीर बज्राचार्यं न्वंवाये ग्याःपिं थौं मग्याःसे न्वंवायेफुपिं जूगु धइगु न्हूगु जन्म खः धयादिल । जन्म लिपा ब्वलंकेतः मेहेनत यायेमाः धयादिसें सकलसित उकथं मेहनत यानादीत इनाप नं यानादिल । सकसिगु कुतः व कुशलतां न्ह्यब्वःगु नुगःखँ व ज्याझ्वः न्ह्याकेगु शैलीं थःगु नुगः लसतां जाःगु न्ह्यथँसें प्रशिक्षक कथं थःगु ग्वाहालि सदां दयाच्वनीगु प्रतिवद्धता नं प्वंकादिल । वडा दुजः विनिता विकया नं ब्वतिदुगु थुगु ज्याझ्वः तालिमय् ब्वतिकाःगु थीथी पुचः दथुं जल मिसा पुचःया दुर्गा महर्जनया नायःसुइ जूगु खः वय्कलं थःगु नुगःखँ तसेंथुगु तालिमं थःपिअतिकं उत्साहित जुयागु धयादिल । वयकलं मिसा पुचःया नितिं नर्सरीया तालिमया माग नं वडायात यानादिल ।  ज्याझ्वलय् प्रशिक्षार्थीपिं दथुं सुभद्रा महर्जनं लसकुस न्वचु तया दिल 

 

सा धुसल महिला समूहया निनमाया महर्जनं सुभाय् न्वचु बियादीगु खः । तालिम कयादीपिं दाचि महर्जन, कान्छी महर्जन, पद्मा महर्जन, प्रमिला महर्जन, माया महर्जन, अनिता राई, भक्तमाया महर्जन, धनमाया महर्जन, कविता महर्जनं थःथःगु अनुभव कंगु थुगु तालिमय् धुसल महिला समूह, जल मिसा पुचः, नगुमा महिला समूह, विहार महिला समूह, लांखा पुचू महिला समूह, इगाः महिला समूह, दल्मे महिला समूह, ध्याकु महिला समूह, चाधः महिला समूह, देय््धः महिला मिसा पुचः, गुमज महिला समूहया पदाधिकारीपिन्सं ब्वति कयादीगु खः । तालिम २०७७ फागुन ०९ गतेनिसें न्ह्याःगु खः ।