खानेपानी मन्त्री मणिचन्द थापां ‘प्लाष्टिक रहित सहरया परिकल्पनाय् सहभागी जुइनु’ धइगु नारा च्वयातःगु बोर्डनाप येँ महानगरपालिका वडा–१६ य् बालाजु बाइसधारा उद्यानया प्रवेशद्वारय् लःया एटीएमया उलेज्या जुगु दु । सुरुइ रत्नपार्कया शंखधर उद्यानय् प्रवेशद्वार व वयालिपा स्वयम्भूइ न लःया एटीएमया उलेज्या थौं बालाजु मन्त्री थापां यानादीसे ‘वाटर भेन्डिङ मेसिन’ या सिक्का तयादीगु खः ।

 

सिक्का तये धुका ‘वाटर भेन्डिङ मेसिन’ पाखे येँ महानगरपालिका व काठमाडौँ उपत्यका खानेपानी व्यवस्थापन बोर्डया लोगो दुगु निगु कपय् प्यसः मिलिलिटर लः दइ । मन्त्री थापां छथु कप लः सहरी विकास राज्यमन्त्री रामबीर मानन्धरयात बिःगु खः । उगु लः त्वने धुका सञ्चारकर्मी नाप खँ ल्हानादीसे मन्त्री थापां आधुनिक प्रविधि छ्यलेगु झ्वलय् येँ महानगपालिका नाप सहकार्यय् न्हापागु पटक ‘वाटर भेन्डिङ मेसिन’या उलेज्या याये दया थः तसकं लय्तागु दु धका धयादीगु खः । ‘थौं हे रत्नपार्क, स्वयम्भू व बालाजु याना स्वथाय् ‘वाटर भेन्डिङ मेसिन’ या उलेज्या यानगु दु,’ मन्त्री थापां धयादीगु दु, न्हापागु चरणय् स्वनिगलय् १५ गु थासय् सञ्चालन यायेगु तयारी दु । विस्तारं देयन्यक दक्को सहरय् थुगु व्यवस्था लागु याये।’ रत्नपार्कय् उलेज्या झ्वलय् येँ महानगरपालिकाया उपप्रमुख हरिप्रभा खड्गी श्रेष्ठयाना ब्बति दुगु खः। 

 

अथेहे मन्त्री थापानाप राज्यमन्त्री मानन्धरया थःगु हे निर्वाचन क्षेत्र व बालाजु उद्यानया प्रवेशद्वारय आधुनिक प्रविधिया लःया एटीएम उलेज्या याये दुगुलि थः तसकं लय्ता धका धयादीगु दु । ‘मेलम्ची आः राजधानीवासीया लागि तसक महत्वपूर्ण दुगु । मेलम्चीया लः वइगु अन्तिम तयारी जुयाच्वंगु इलय् थज्यागु प्रविधिया सुरुवात जुगु थ्व तसक लसततया खँ जुगु धका धयादीगु खः,’ मन्त्री मानन्धर धयादीगु दु, ‘छगु लिटर लः हे न्याना त्वने माःगु बाध्यताया प्रविधि याःगु अन्त्य जुगु दु धका धयादीगु खः। थ्व प्रविधिया विकास नाप आः लः गन वना त्वनेयेगु धइगु न अन्त्य जुगु दु।’ उगु ज्याझ्वलय् खानेपानी सचिव माधव बेल्बासे व येँ महानगरपालिका सहरी योजना आयोगया उपध्यक्ष सरोज बस्नेतपिनिगु न उपस्थिति दुगु खः ।

वाटर भेन्डिङ मेसिन गये याना छ्यलीइगु ? 

 

१) न्यातका वा १० झीतकाया नोटयात वाटर भेन्डिङ मेसिननाप ध्यवा हिला छतकाया सिक्का हिलिइगु । 

 

२) उगु ध्यवा हिला छतका वःगु सिक्कायात कप डिस्पेन्सर मेसिनया सिक्का तयेगु थासय् तया २०० मिलिलिटर भ्वँ कायेगु। 

 

३) कपयात कया कप वा बोतल फयेगु हितिइ क्वय् तयेगु ।

 

४) छतका वःगु सिक्कायात हिति नाप सिक्का तयेगु थासय्  व सिक्का तयेगु थासय् ल्याः मिले याना दु छ्वयेगु । 

 

५) २०० मिलिलिटर शुद्ध लः कप वा बोतलय् क्वहावःगु ।  

 

६) अथे प्रयोग याःगु कपयात फोहोर तयेगु थासय् तयेगु ।