येँय् न्ह्यानाच्वंगुृ राष्ट्रिय महिला लिग फुटबल थौं क्वचाइगु
सिल्लाथ्व सप्तमी ११४१, फागुन ७ शुक्रवाः
येँय् न्ह्यानाच्वंगु राष्ट्रिय महिला लिग फुटबल थांै क्वचायेत्यंगु दु । धेंधेंबल्लाया लिपांगु निगू कासा थौं जुइत्यंगु दु ।
लिगया उपाधि त्याकेधुंकुगु सशष्त्र प्रहरीया एपिएफं दशरथ रङ्गशालाय् त्रिभुवन आर्मी क्लबलिसे म्हितेधुंका थुगु सिजनया कासा क्वचाइ ।
आः तक्क फुक्क ११कासा म्हितूगु एपिएफ ३३ गू ल्याः नापं शीर्ष थासय् दुसा ल्यु त्याकामि आर्मीया २६गू ल्याः जूगु दु । थौं जुइगु न्हापांगु कासाय् नेपाल पुलिस क्लबं लिउने दूगु चौदण्डीगढी नगरपालिकालिसे म्हितिइ ।
थुगु कासा त्याःसा पुलिस ३गूगु थासयु च्वना लिग क्वचायेकेत ताःलाइ । ज्वलिन्ज्वः जूसा वा कासा बूसा पुलिस ५गूगु थासय् थ्यनिइ ।
म्हिगः जूगु कासाय् चन्द्रपुर नगरपालिकायात ३÷०या गोल अन्तरं बुकुगु स्याङ्जाया वालिङ नगरपालिका १७गू ल्याः नापं ३गूगु थासय् दु ।
राष्ट्रिय महिला लिग फुटबलय् थ्व खुसिइ ३गू विभागिय टोलीत आर्मी, पुलिस व सशष्त्र नापं स्याङ्जाया वालिङ नगरपालिका, मोरङया विराटनगर महानगरपालिका, रौतहटया चन्द्रपुर नगरपालिका व उदयपुरया चौदण्डीगढी नगरपालिकाया ब्वति दुथ्यागु खः ।
Categorized in कासा
